何文田篇

第三站何文田，講到何文田最出名嘅，必定喺有45年歷史嘅-愛民邨-

愛民邨喺香港早期落成嘅屋邨，方型天井為愛民邨的最大特色，墨綠色的欄桿與門欄、銀色鐵閘、百葉玻璃窗戶，樸素卻又不失風味。 佢以井字型嘅方式去興建，亦都喺佢嘅最大特式。有好多嚟至唔同國家嘅攝影師都慕名而來嚟影一影天空之窗。咩喺天空之窗？下面張圖就解釋咗你聽。

喺愛民邨落成嘅早期，英女王都到訪參觀過可算喺全港最威屋邨，愛民邨實屬優質地皮，處於半山，部份單位更可眺望維多利亞港，鄰近旺角，又自成一角，旺中帶靜，喺屋邨嘅豪宅。喺最近幾年更有地鐵通車，交通更加方便。

愛民邨咁出名嘅原因當然唔少得，電影及電視劇嘅支持，佢哋都喺邨內取過景，當中包括《衝鋒車》《初戀無限Touch》《真情》等等。

講咗咁多正經嘢，講下啲街坊之間嘅傳聞，話說愛民邨興建之前喺墳場，而邨內嘅新聞柱上嘅葫蘆是用作收鬼之用，不過一切都只不過喺傳聞嚟㗎姐。

愛民邨嘅天井設計有好大嘅學問，愛民邨樓高雖有20多層，天然光卻可以照到每一層，天井比例需要經過精心的設計。另外在通風方面，由於天井貫通樓層上下，當地面熱空氣上升之時，帶動空氣循環，可達冬暖夏涼之效。