最後一集，我哋嚟到大家都熟悉嘅銅鑼灣，今次帶大家黎一間佈置得好特別嘅茶餐廳，呢一間茶餐廳曾經係電影出現過。
呢一間喜喜冰室設計非常之特別，佢係位於一條後巷，喺店舖門口仲有乒乓波枱供應比人玩，內裏嘅設計更加係設計到好似一格小巴座位咁，同有好多懷舊嘅裝飾，好似帶我地返咗去幾十年代咁。
另外係嘢食方面無論係小食、主菜、甜品都係非常之吸引 ，佢餐牌嘅設計都非常之特別，令到食客有一種愉快嘅感覺黎睇嘢食，每樣嘢食都好吸引，如果係深夜睇到呢個post嘅你，我要講聲對唔住。
各方面我覺得好滿意，首先由裝修開始講起，餐廳嘅裝修配搭左一格小巴嘅坐位設計，已經令人覺得與別不同亦都係一個好有心機同特別嘅設計，另外餐廳除左有小巴設計，係另一邊仲有一個好有懷舊風情嘅設計，係50/60年代嘅家居設計，再加上一部好有歷史嘅音樂機 ,仲放滿了多個50/60年代明星嘅照片同歌碟，充滿左懷舊嘅氣氛，相信有返啲年紀嘅朋友去到應該會有好多回憶閃過。另外食物方面，好多自己特色嘅食物，多種類嘅選擇，連甜品都有好多嘅選擇，亦保留到許多中式嘅食品，完全係中西完美嘅配搭，好多都係出面餐廳較小可以見到嘅食品，完全做到自己嘅特色之處，呢間餐廳亦都係大家相當好嘅打卡地點，有好嘅食物，靚嘅裝飾，可以影靚相又可以食好西，十分推薦。
地址 銅鑼灣Fashion Walk百德新街57號地下C&D號舖 Shop C&D, G/F, 57 Paterson Street, Fashion Walk, Causeway Bay
港鐵銅鑼灣站 E 出口, 步行約4分鐘
Opmerkingen