香港特色美食01一西環

講到食，有時簡簡單單就可以當一餐，難得放假唔想落街，煮一碗麵加隻蛋已經好正！但間唔中都要對自己好啲，

以下有一間，係小弟最近親身去試過嘅，一間位於西環嘅美食！

No Mikeshake no life

係一間偏向西式嘅小食店 ，主打奶昔同各式三文治嘅小店，去到門口比我第一個感覺係，開呢間小食店嘅人應該係好有個性，將鋪頭設計得與別不同，好有自己嘅風格，鋪頭唔算大，但都唔會令我感覺到好壓迫，加上佢嘅擺設同果日播住一首由Queen所唱嘅 I Want To Break Free嘅歌，令我感覺自己係身處係一個好舒服嘅環境.

我非常建議大家叫多幾個朋友一齊黎食，因為咁樣可以叫多幾樣野食，當我拎起餐牌，我嘅選擇困難症又出嚟，每一樣都好吸引，最後我同兩個朋友每人揀咗一樣share食，

野食一黎到已經流晒口水 ，迫不及待想食晒佢， 因為啲嘢食非常之邪惡！ 非常之滿足！

黐線芝士黐住麻辣雞治 $92 （店鋪推介）

呢一個外表已經加晒分 鬆脆嘅麵包 加試邪惡嘅芝士同麻辣雞 相信呢個配搭無人能擋，佢嘅麻辣適中，非常容易入口，唔食得辣嘅朋友都可以嘗試一下。

美國西冷牛扒炸薯條 $82 （店鋪推介）

呢一個西冷牛扒配炸薯條 一聽個名已經覺得好奢侈，薯條並冇喧賓奪主，牛扒仍然可以得出佢嘅味道，非常之配，而且上面仲有芝士，牛扒亦都好鬆軟，我非常鍾意佢嗰醬汁。

香辣水牛城脆雞漢堡配薯條 $88

呢一個香辣水牛城脆雞漢堡，我非常鍾意佢個脆雞，唔會感覺好油，口感非常好，係食完第一啖會想再食多啖，講到我都流曬口水。

（左）香芋奶昔 $44（店舖推介）（中）焦糖杏仁碎比利士酒奶昔 $54 （店舖推介） （右）奧利奧奶昔 $44

香芋奶昔嘅香芋味好突出 果一種味道令我諗起一隻好多年歷史嘅雪糕糯米糍，懷舊之餘亦都同樣好好味。

奧利奧奶昔我以為會好甜，但驚喜嘅係甜度啱啱好，入面有一啲好似oero 嘅餅碎，增加左口感。

焦糖杏仁碎比利士奶昔，我第一次見到有酒嘅奶昔，當然要叫一杯試吓，呢一杯我覺得好驚喜，亦都係我認為三個入邊最好飲嘅一杯，比利士酒配合焦糖，酒味唔係好濃，完全唔似係酒，非常之好飲，平時唔飲酒嘅人都可以試一試，真心推介.

由香港大學站出然後B2出口 ，出左地鐵站之後靠右行然後過馬路右轉上斜路30秒 就到 非常方便

出B2地鐵站後只需步行1分鐘就到

地址：

西環石塘咀山道31-37號地下A舖 多謝大家觀看，請留意 香港特色美食02 將繼續為你帶黎驚喜。